جمال السنوسي

      سارية ريد ........................ كل ما أمشيك مسافة في ليالي الريد معاني احسب الزمن   المعاكا في حساب الريد ثواني في الطريق الليك بيودي في لهيب الشوق اماني وتبقى فكرة يوم لقاكا حلوة بي كل المعاني كل خطوة ليك فرحة وكل فرحة عيد تهاني     ما حصل لاقاني طيفك في دروب الريدة ماري رغم انو في قليبي رافعو ريدك عندي ساري   لي مراكب الريد منارة في عيون ريدها بتداري وانت تبعدي عن دياري وعارفة قلبك عندي داري وياما بيك انا لسه بحلم بكرة طيفك يعيد مزاري   نحن صدفة لقينا ريدة وكل قلب اختار حبيبو جوة في عمق المشاعر في القلب احساس بصيبو واي زول في الدنيا حب كل محبة تكون نصيبو وكل زول عن ريده تائه الطريق باكر بيجيبو ومهما يحصل بيني بينك ريدك ابدا ما  بسيبو .................. جمال السنوسي

  السماحة وين تفوتك ........................ السماحة وين تفوتك ما السماحة انت سيدا كل يوم تزيد جمال كل بسمة فيك فريدة يا القمر الفي سمانا زي نجوم تسطع بعيدة الشمس الفينا تشرق كل يوم تقراك قصيدة والنسايم الجات تعبر بالاريج دايماً سعيدة والغيوم مرقت تسلم شوفا ديك مادا ايدها وين  نلاقي زي سماحتك الصفات الفيك عديدة كل شاعر شاف وصوفك مهما يوصف ما بيجيدها وكل رسام ليك يرسم كل رسمة كثير يعيدها كل زول اهداك محبة والمحبة الليك شديدة بيك بيحلم وكل مناهو تبقى دنياهو الجديدة ...................... جمال السنوسي              

    لمن جيتك ....................... لمن جيتك شايل الشوق وليك القلب مليتو حنان كنت بفكر أنك زيي حافظ الريدة من ازمان الا لقيتك معاي متغير ولا اديتني شعور بأمان زي النحن سنين أغراب وكل البينا ماضي وكان وينها وعودك لي يا زول وينو الريد الكان بستان وينو العهد الكان مكتوب جوة قلبونا ليهو ضمان عشنا سنين   اجمل ريدة كل من فينا سعيد فرحان مرة نساهر جنب القيفة فوقنا قمر كمان طربان صورته بترقص فوق الموجة ونحن نردد في الالحان ومرة نسافر زي الغيمة نسرح ونمرح في التوهان نسقي قلوبنا مطرة ريدة وفيها الشوق بكون مليان هل معقولة نكون اغراب بعد الريد نعيش في هوان وتبقى سنيننا الجاية عجاف نمشي في سكة دون عنوان انا مستغرب من الحاصل وانا والله موش غلطان لو سمعت كلام من غيري اي كلام زور وبهتان لو فكرت براك تسيبني انت وحاتك بس خسران انا في ريدك خسرت سنين وحتى العمر صبح كملان وعداً مني بشيل اشواقي وارجع بيها لاي مكان وتاني وحاتك ما حتشوفني ولا في الطيف لو حلمان .................... جمال السنوسي            

      لو ممكن ..................... ممكن يعني تفتح قلبك تقول الفيهو والمافيهو قول بالله وحاتك وربك   قول طمني عن احوالك وايه الفيك وشاغل بالك وهل بالله عرفت بحبك   انا   مهتم بيك بصراحة بلقى الروح معاك مرتاحة وانا من فترة متابع دربك   مرة اهيم   واقرا حروفك مرة اساهر وارجي طيوفك كل مناي عطفك و قربك   ولمن اكتب فيكا قصيدة بلقى حروفها ذاتها سعيدة كل وصوفها فيكا وبسببك   ابيت من فترة اقول واصرح خايف كلمة اقولها تجرح تبقى هزيمة ويصعب غلبك   بس بالجد وعندي حقيقة انت بتعرف مشاعري رقيقة ما بتحمل ادخل حربك   ياخ بصراحة ممكن اقول انت بتسكن جوة الزول غصبا عنه يرضى بغصبك   خلاص قررت وليك كلامي كل الجاي في   باقي ايامي موش حأحبك .......... .... ... لأني بحبك وبعيش على حبك ............... جمال السنوسي            

    حورية .................... حورية ليست كما البشر في وجهها ضوء انتشر وفي جوفها شوق استعر وعيناها نبع حنان استقر في صوتها عذوبة نيل استمر كل ليل تحاكي القمر تجالس النجوم وتحكي الكثير والمثير وتنسي الجميع الهموم وهي شمس النهار تداعب بابتسامتها الانهار وتحاكي خصلاتها التيار هي ملاك من نور انفاسها زهور وملامحها حبور وبسماتها در منثور في قلبها شعور يداعب القلوب فتغني الطيور وترقص الحروف على كل السطور   هي انسان كزورق الألحان تبحر في عينها في كل الازمان في كل حديث تهديك الامان وفي كل ضحكة تهفو القلوب وتستقر الابدان   بليغة ان كتبت وبديعة ان قرأت بصوتها الحنين تهديك المعاني واجمل الأماني والروح تستكين في عقلها ذكاء وفي وجهاء بهاء وفي قلبها نقاء إن رأيتها يوما لم تعد الاشياء كما الاشياء لم تعد الدنيا كما كانت قبل أي لقاء فهي ملاك زارنا يوماً ليبقى بيننا ونشر صفائه في كافة الارجاء ................. جمال السنوسي جدة 8 اغسطس 2024        

   لما تسالي مني تاني  .....................   لما تسالي مني بفرح اغني ليك انا كل غناي وبس تكوني انت المعاي وتبقي لي الدنيا مسرح ونرقص سوا زي الفراش فوق ورد زارو الدعاش خاف النسيم في مرة يجرح واصلوا عينيك انت سمحة والجمال من نظرة لمحة وتاني فيك يا قلبي بسرح تختفي احزاني الدفينة بي ابتسامتك الحنينة ما الجمال الفيك بينضح وانا ادسدس في مشاعري في لقا جميل وشاعري خايف عيوني ليا تفضح وتبقي انت مني القريبة في محبة ريد   عجيبة كل يوم في يوم بتوضح وبكرة نأمل في لقانا والقمر يسهر معانا مرة نجمع ومرة نطرح ولو حصل وتاهت خطانا مافي غيرنا بكون معانا لو ابت ظروفنا تسمح ....................... جمال السنوسي جدة