السماحة وين تفوتك
........................
السماحة وين تفوتك
ما السماحة انت سيدا
كل يوم تزيد جمال
كل بسمة فيك فريدة
يا القمر الفي سمانا
زي نجوم تسطع بعيدة
الشمس الفينا تشرق
كل يوم تقراك قصيدة
والنسايم الجات تعبر
بالاريج دايماً سعيدة
والغيوم مرقت تسلم
شوفا ديك مادا ايدها
وين نلاقي زي سماحتك
الصفات الفيك عديدة
كل شاعر شاف وصوفك
مهما يوصف ما بيجيدها
وكل رسام ليك يرسم
كل رسمة كثير يعيدها
كل زول اهداك محبة
والمحبة الليك شديدة
بيك بيحلم وكل مناهو
تبقى دنياهو الجديدة
......................
جمال السنوسي
تعليقات
إرسال تعليق