فتشت السكة الماشة كثير
لاقيت السكة الجاية عليك
والخطوة مسافة بتتقدل
الفكرة تكون واللحظة تجيك
تقعد قدامك وتعاين
البسمة النظرة الفي عينيك
والشوق الظاهر جواها
الورد الفتّح من حوليك
وانا بين بكرة وامبارح
والحاضر في الفرح البيك
بيناتنا الضل الكان شارع
بيناتنا مشاعر بس تعنييك
لو كان طليت علي زمان
تلقاني معاك جنبك وفيك
 
مديت في الخطوة متسارع
ادندن بالحروف أنغام
وافتش عن ملامحك ريد
واتناسى لي شقى الايام
اتاريك في مدن صاحية
بتغرق لسه في الاوهام
وضفاف مسقية حنية
بتبعد ذكرى الآلام
تسافر في مهب الريح
تعود برجعة الاحلام
تفرهد زهرة وردية
تداعب خصلة الأنسام
مواعيد  للغرام طلت
وطل معاها بدر تمام
................
جمال السنوسي

x