و لسه
راجيك بالاماني
والحلم
الكان زمان
لما
تهدي لي نظرة
فيها
احساس الأمان
انت
ساكن جوة قلبي
انت
روحي في كل مكان
اصلو حبك
عندي غاية
وما
حصل في مرة هان
لسه
راجيك لما ترجع
ويرجع الريد
القديم
يرجع
الليل بي نجومه
وضي
قمر ساطع فخيم
عشان
نخلي الحب ده جنة
ونعيش
أنحنا في النعيم
نوفي نحن بي وعودنا
كل محب
لحبيب نديم
حقو
تعرف في غيابك
كل يوم
الشوق بيزيد
ولما
توصل بس رسالة
منك
انت بتبقى عيد
بنسى
كل الم بعيشو
وابدا
افرح من جديد
لان
انت عيد حياتي
مهما
انت تكون بعيد
بكرة
حلمنا يبقى واقع
وتزدهر
من تاني ريدة
والاحاسيس
والمشاعر
الزمان
تاني بي نعيدها
تسكن
البسمة في عيوننا
والقلوب
تكون سعيدة
والمحبة
البينا تجمع
بين
قلوب تعيش سعيدة
...................
جمال السنوسي
تعليقات
إرسال تعليق