يا وطن
يا وطن
موجود ومافي
في النهارات
في المساءات
في القوافي
في عيون
لسه بتأمل
انه ترجع
من منافي
اصلو حبك
يا وطن
ماهو خافي
حبك انت
في القلوب
جميل وصافي
ولما نتعب
ونشكي غربة
بنلقى قلبك
ديمة دافي
يا وطن
جوانا عايش
مهما غبنا
عن ديارك
في بعاد
ما كان قرارنا
ولا قرارك
ما بعدنا
وما مرقنا
من إطارك
في القلوب
بنينا قصرك
بنينا دارك
كل زول
كل طيف
عاشق مزارك
ما بنحب
ولا بنقبل
في يوم ودارك
يا وطن
كيف تكون
من غيرنا نحن
وغيرنا مين
ببقى اختيارك
يا وطن
باكر بترجع
وترجع الحنية ديك
نلقى في الشارع ضجيجو
وتبتهج بالجد عينيك
ويرجع العصفور يغني
وانت ترقص في مشيك
والشجر يفرد غصونو
يحضن الفجر الوشيك
والورد بيفوح أريجو
ينسى عطره في ايديك
مافي اجمل منك انت
زي قمر ساطع وشيك
وعشانك انت تاني نرجع
ما نحن أصلا بيك وليك
.....................
جمال السنوسي
تعليقات
إرسال تعليق