ونسة قلب
............................
كان في نفسي تاني
اسامحك
ارجع ليك يا قلبي اصالحك
إلا غلبني ياخ وحاتك
قلت خلاص الليلة اصارحك
عشت معاك سنين وسنين
وانت تحب ياخ علي كيفك
مرة تكون في عز شتاكا
تجي اشواقك تلهب صيفك
مرة تمانع تقابل زولك
ومرة تحن وترسل طيفك
وانا حقيقة ما بستحمل
اني اكون في رحمة سيفك
ياخ معقولة في احبابك
مرة تصالح ومرة تخاصم
حتى احساسك وكل مشاعرك
مرة بتبخل ومرة تقاسم
ايه الحاصل قول يا قلبي
ما بتحمل اصبح خاتم
ولا بتحمل دنيا غرامك
كانه الريد ليهو مواسم
خلاص يا قلبي من الليلة
انا بسببك قاسم وحالف
تاني اطلاقاً ما بنتلاقى
انت براك عارف وشايف
درب الحب ببعد منه
دربي معاك ببقى مخالف
تبت خلاص من الريدة
تاني معاك ماني بجازف
تعليقات
إرسال تعليق